أغنية المطرب الشعبي شعبان عبدالرحيم عن واقعة ضرب بوش بالحذاء



خلاص مالكش لازمة يا بوش يابن اللذينا

تستاهل الف جزمة عاللي انت عملته فينا

وجه اليوم يا واطي ووشك اتفضح

وشافوك الناس مطاطي من جزمتين شبح

الجزمة كانت مفاجأة كمان زي الزيارة

والدنيا بحالها فرحت والناس فضلت سهارى

يا قلوب كتير حزينة قومي يلا ابتسمي

شوفي بوش وهو خايف والجزمة بتترمي

بصراحة ماقدرش اغشك واقولك زعلت عليك

يا ريتها جت في وشك وخزقت عينيك

صدام اللي انت دبحته في اول يوم العيد

اهو ربك خد بتاره وفي نفس المواعيد

تحية عشان منتظر وتحية لجزمته

فرحنا كتير في بوش في اخر خدمته

بجزمتين في وشك هاتسيب امريكا على نارك

ويا عيني مش هاتلحق يا بوش تاخد بتارك

في ناس كتير بسببك في الدنيا متبهدلة

بتقول يا ريتها كانت صاروخ او قنبلة

العالم كله شافك وبالسعادة حس

الجزمة زي الكورة وداخلة في المقص

مليون شهيد واكتر في الجنة فرحانين

ربك كبير وقادر يهد المتفرعنين

ضيعت شعوب كتيرة من هنا ومن هنا

ومش خسارة فيك جزمة معفنة

بس ابو ريتاج شكلك نسيت ال ههههييييييييييييييييييييييييييييي
تبعت شعبان
بس واللهي الكلمات انها مناسبه جدا
شكرا ابو ريتاج

فعلا هذا ستايل شعبان وأنا أرى أنه ليس مطربا ولكن

صاحب منولوج ... شكرا على مرورك hanan