س1 : بما تصف العلاقات المصرية الأمريكية ؟

ج1 : اللى أكله ما هو من فاسه .. رأيه ماهو من راسه .


س2 : ما هى سياسة مصر الداخلية ؟

ج2 : اضرب المربوط يخاف السايب .


س3 : بما تفسر الآداء الحكومى المصرى ؟

ج3 : إن كان هذا يكيدك .... أنا أزيدك


س4 : بما تفسر تضخم ثروة أحمد عز ؟

ج4 : سبحان العاطى الوهاب من بعد الشبشب والقبقاب .


س5 : بما تفسر التغيير الوزارى ؟

ج5 : ايه يعمل الترقيع فى الثوب البالى .


س6 : بما تصف الاخبار فى الصحافة الحكومية ؟

ج6 : قالوا الجمل طلع النخلة آدى الجمل وآدى النخلة


س7 : بما تصف التصريحات الحكومية ؟

ج7 : اسمع كلامك أصدقك أشوف أمورك أستعجب .


س8 : ما هو مقف الاخوان المسلمين من الحكم ؟

ج8 : عينى فيه وأقول إخييييييييييه .


س9 : ما هو نظام الحكم فى مصر ؟

ج9 : سمك لبن تمر هندى .

س10 : بما تصف العلاقات المصرية الاسرائيلية ؟

ج10 : يا بخت من بات مظلوم ومبتش ظالم .






**وفى النهاية أعزائى بعد ما شفنا قدرة المثل الشعبى المصرى

على تلخيص الكثير من القضايا أحب أن انهى حديثى بمثل

شعبى أيضا لكنه كان سبب من اسباب تعاسة الشعب المصرى

ألا وهو ( اللى تعرفه أحسن من اللى ما تعرفوش )

وطبعا هذا المثل إجابة لسؤال معروف اتركه لحضراتكم

اعمالا بالمثل الشعبى الذى يقول ( من خاف سلم ) .

وانا اقول اللي ما تعرفوش بتتعرف عليه
يمكن يمكن يطلع احسن من اللي تعرفه
تحياتي ابو ريتاج

كلامك صح شكرا على المرور.. أبوريتاج