في البداية وحتى تصبح مواطنا أردنيا يجب عليك إتقان الكشرة الأردنية

فهذا من أهم ما يميز الإنسان الأردني عن الإنسان العادي!

البوز الملوي … والحواجب المعقودة …. وإذا نظر إليك أحدهم فقل له بكل استعلاء:

(أبو الشباب ... ليش بتجح بخلقتي ... مضيع بوجهي شلن؟)

هكذا تكون قد قطعت شوطا كبيرا نحو الاردنة


تابعا للنقطة السابقة .... فلتسير على مبدأ

اللي بيطلع عليك بعين ... اطلع عليه بنص عين

يعني نظرة انقرافية بحته ...

أي بالكلمات الأردنية:

(كلك على بعضك مش شايفك)


تعلم فن التعصيب ... وأقل كلمه تطلع زيفك (عصبيتك)

عصب وصيح وبزق وانت بتحكي

على شرطي المرور .. على الكونترول ... على سايق التاكسي

المهم تتهاوش هوشه يوميه

وتحرق وراها بوكيت (باكيت) دخان



المواطن الأردني إنسان كالصخر

خارق للمنطق والعادة .... ولا يخضع لأي عمليات حسابيه



نضرب مثال..

المواطن الأردني العادي بدفع ايجار بيت 150 دينار(عمان الشرقيه)

كهرباء وميه حوالي 20 دينار

عنده سياره قسطها الشهري 100 دينار(سياره عواي)

وترخيص على بنزين على زيت تقريبا بالشهر 150

دخان بمعدل باكيت باليوم (وهذا مش مدخن ... بيعفط تعفيط) بس 50 دينار شهري

احكي 150 أكل وشرب

وحوالي 30 بالشهر بطاقات شحن (إذا ما كان حبيب .... اذا كان بحب) بده 100 دينار

50 اله و 50 لحبيبته... ليش هي بتتنازل تشحن لحالها

(حبيت تحكي اشحنلي ما حبيت فيه غيرك كتييير)

صار المبلغ 650 تقريبا

وهو كل راتبه 250 دينار ....

كيف بتزبط معه ؟؟؟ الله اعلم !!!




حتى تصبح مواطن أردني يجب ان يكون

لديك او امتلكت في يوم ما

أو تحلم بأن تمتلك

احدى السيارات التاليه:

كيا سيفيا

هونداي اكسنت

زعرا (والمقصود bmw 320 )

نيسان سني (حصريا للتكاسي)

لف (والمقصود مرسيدس 200 موديل 82 وحتى 85)

او 180 (المقصود مرسيدس موديل الستينات) ... وانتا بتلفها براحتك



المواطن الاردني مواطن يحب المظاهر

يعني اذا لم يكن معك ولا قرش يجب أن تتعلم فن العرط

(العرط هو الكذب والإدعاء بأنك مليونير)

أي أن تجلس مع الشباب وتوهمم أنك ولدت

وفي فمك ملعقة ذهب


يعني مارس فن التشبير وعلق الهامر على جنبك

وفضي بكيت الفيلادلفيا ببكيت مارلبورو



حتى تكون مواطن اردني

يجب أن يكون أحد أقربائك من مواليد الف وتسعميه وتنكه

له سن ذهب


حتى تكون مواطن اردني يجب أن يكون جدك

قد امتلك نصف الشميساني أو عبدون

في يوم من الايام .. وباعها بميتين ليره




حتى تكون مواطن اردني

عليك أن تكون دقرا .. تعلم المداقره

واحد دق عليك الباب احكيله مين ؟

بس يحكيلك انا فلان ..... قوله ع طول لا مش انت

المهم تداقر شوي على أي موضوع

حتى لو كنت عارف حالك غلطان


حتى تكون مواطن اردني

يجب أن يكون لك واسطه في كل دائرة حكومية

قرابه او نسب او صحبه

او ابن عم خالة جدها لمرة جار اخوك

المهم تمشي حالك ..




حتى تكون مواطن اردني

تعلم فن التقسيط ...

موبايل اقساط

سيارة اقساط

اثاث بيت اقساط

جرابات اقساط ...

لازم يصفي من راتبك كل شهر 13 ليره لانه الباقي اقساط!!!

وتعلم ان تجد كفيلا يكون (خروف)

(الكفيل الخروف: يعني كفيل أهبل يدغ عنك القساط التي تتهرب من دفعها)

علشان يخصمو عليه هو

ويخفف عليك شوي من اقساطك !!!

مبروك ... أنت أردني !!!

انا قرأت كل شي بس ماعجبني بصراحة

بس هاي حقيقة المواطن الاردني
صح

هههههههههههههههههه

؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟

هاى مش حقيقه

هاى تشبه النكته يعنى تزبط للمداعبه والضحك بس

تقبلى مرورى يا...........................؟؟؟؟؟؟؟؟؟؟؟؟؟؟؟؟؟؟؟

اهلا وسهلا
لكن هي جاية على شكل نكتة بس هي واقع
عمرك شفت اردني بدو يشتري سيارة ودفع المبلغ كاش
ما بيدفع الا اذا كان مزنقل
صصصصصصصصح

هبه تعرفى واحد اسمو الور

شو الور
مش فاهمة

اسألى الكبار عنو هادا شخص معروف بالمفرق

بصراحة كتيرررررررررررررر حلوة يسلمو اديكي

ههههههههههههههههههههههخخخخخخخخخخخخخخخخخخخخخخخخخخخخخخخخخخخخخخخخخ







دائما تضطريني الى ان احذف او اعدل على ردودك يا سهى
ارجو ان تحترمي مساهمات الاعضاء وتردي برد محترم
وهذا التحذير نهائي لكي ارجو الالتزام
التوقيع ( حنان)

هناك طريقة أحلى من هيك ليعبر الواحد عن رأيه...
يعني احنا مع النقد البناء الذي يقود بنا جميعاً الى التقدم
بهذا المنتدى .
وحتى لم يعجبك الموضوع ممكن انك تجاهله
أو تبين رأيك بطريقة تفيد الموضوع هذه هي سياسة المنتديات على
ما أعتقد .

جنوبيه انت تقصدي سهى بكلامك والا الموضوع نفسه؟؟؟؟؟؟؟
بخصوص سهى على ما يبدو اسلوبها بالردود دائما غير لائق
اما اذا قصدتي الموضوع فهو للدعابه والضحك ليس الا

سبحان الله
فيه شبهه بواحد اعرفه
ههههههههههههههه

حنان : أنا قصدت الرد
مش الموضوع لأنه واضح انه
من باب الدعاية والضحك.

اه معك حق جنوبيه
على الله تبطل ردودها المش ولا بد سهى الزعبي
على فكره عم تعطينا انطباع مش كويس عنها

الموضوع حلو بس احنا الاردنيه مش هيك

في اردني صايم كتب على سيارته
من فضلك السايق صايم
تحياتي

هههههههههههههه
حلوه ثامر