مزايا بنات الاردن

**hanan**

مزايا صبايا الأردن .. هي مش مزايا بس يعني ..

1.أنا وماما زي الصاحبات ، دايماً بحكيلها كل إشي ، ماما بتعرف عنك كل إشي شغل عرط و بس طبعا

2. كلهم شقر وعينيهم‏ ‏لينسيز ملونة يخزي العين . تقول هاي رجعتهم من السويد . بتسألها بتحكيلك شو لينسيز؟هدول عيوني الحئيئيين

3. كلهم ببعتولك المسج التالي : اتصل فيي ما معي رصيد ، و عندي امتحان مش آدره أروح أشتري بطائة

4. لو سألتها عن أحلى سنين بحياتها رح تحكيلك : ما بين 19 و 23 و بتشرحلك كيف كانت حلوة و مجننة شباب الجامعة وكيف كلهم بركضوا وراها و هي ما كانت تعبرهم _.

5.الشاطرة اللي بدها تقهر صاحباتها...بترن عل 1234(رقم مجاني لشركة الموبايل في الأردن) وبتنزل عرط و تخويث
و على آآ حبيبي و شو حياتي و i miss u يا عمري و بشوفك يا baby

6.كلهم أخدوا رخصة السواقة بالواسطة ....و أكيد هذا واضح من البريكات الخبط أو السرعة اللي ما بتتطلع عن 20,أو حزام الأمان اللي بروح ما ينمزع‏ ‏قد ما هو مشدود

7.بالجامعة بتطلب ساندوش لبنه - دايماً لبنه و إذا بدها تغير بتطلب منئوشة زعتر ، و الكولا دايت طبعا بس ترجع على البيت بتقوم بصدر المنسف لحالها ، والله ,بوكلونا على جوع !

8.إذا حاولت تمسك إيدها بعد شهرين صحبة بتسلخك كف بتعمي ضوك ، ومش بعيد تبزق عليك قدام كل الجامعة ، بس إذا لقيتها 'صدفة' بعرس ابن خالة عم أمها ، بتضلكوا على البست للصبح ، وبتشبكوا على الدبكة وأعطيني هوارة أبو الحلاني
.....ورووووح...للصبح رقص سلوووو_على أساس فريندز طبعا

9. كلهم بابا بحبهم أكتر وحدة بين إخوانها .... وهي وبابا زي الصحاب و بابا بوخد رأيها بكل إشي

10.أكره إشي عليهم يشوفوك بتحضر مباراة ، بمعنى آخر أكتر إشي بكرهوا كرة القدم ، إلا إذا المباراة فيها إيطاليا أو إنجلترا بتلاقيهم قعدوا و بسطوا يبصبصوا على إجرين مالديني و بيكهام

11. مريحين بالهم و تنحصر اهتماماتهم في المواضيع التالية :
روجيم: - لازم أنزل كمان خمسين كيلو ،
حومرة وبودرة: - نزلوا حومرة جديدة بطعم الكيوي ،
أووولتك أسشور شعري ولا أعمله كيرلي,
الأكل: - ماما طبخت جاجة محشية تفاح ,
و ما بتغدوا غير ستيك مشوي ،و ما بشربوا غير مي .

الفن: - ما أزكاه brad pitt , رايان شعره بجنن, شفتي أصالة ما أزنخها , مش ألتلك انه بشار بحب سلمى,شفتي صندل نانسي,أحمد الشريف أحلى واحد بالعالم !, لون بشرة اليسا واااااااو, حضرتي كليب جاد شويري ما أفيعوا؟
مو معئولة هالشاكيرا!!!

12.كلهم ما بدخنوا ....بس بابا سمحلهم يأرجلوا عادي

13. عندهم حالة تشابه غريبة : إذا واحدة عملت تاتو تاني يوم كل البنات تاتو ، إذا واحدة حطت خلخال تاني يوم كل البنات خلخال ،إذا وحده صبغت شعرها أخضر تاني يوم بتنزلك موضة الأخضر _...

14.مواصفات حبيب القلب :
فايع و شعره طويل ,معه سيارة حلوة,موبايله آخر موديل,يعزمها كل يوم ع كوفي شوب , وإذا بشبه توم كروز بكون ممتاز

15. بتكون أطفش من حكيها ما في..وكلو قال و غاد و انداري و بديش و قرفانة...بالجامعة بتقلب آآل و هوناك و مو عارفة و ..thank u ‎ و كتييير زهئانة

16. دايماً شنتتهم مليانة أشياء زاكية ، إذا جعت بتلاقي معاهم السيفوي بالشنتة شبس ،شوكلاتة ،بسكوت, دروبس ،علكة,سوس

-----------------------------------------------------------------------------------------------

مفاهيم ربما تكون صعبة عليكم:-
عرط:كذب
تخويث:مزح
تسلخك:تضربك
فايع:شاقق الدني بصدره ومش هامه حدا
اطفش :ادفش,اثقل
غاد:هناك
انداري:لا اعرف

_________________

**SuHaD**

الله عليكي يا حنان
عنجد ضحكت كتيييييييير
بس هدول أكتر تنتين ضحكوني

10.أكره إشي عليهم يشوفوك بتحضر مباراة ، بمعنى آخر أكتر إشي بكرهوا كرة القدم ، إلا إذا المباراة فيها إيطاليا أو إنجلترا بتلاقيهم قعدوا و بسطوا يبصبصوا على إجرين مالديني و بيكهام

[size=21]15. بتكون أطفش من حكيها ما في..وكلو قال و غاد و انداري و بديش و قرفانة...بالجامعة بتقلب آآل و هوناك و مو عارفة و ..thank u ‎ و كتييير زهئانة

_________________
لا إله إلا الله
عدد ما كان
و عدد ما يكون
و عدد الحركات و السكون

**hanan**

سهاد يا رب تظلي دايما مبسوطه

_________________

**SuHaD**

ثانكس يا قمر
و ان شاء الله انتي كمان بتضلي مبسوطة على طول

_________________
لا إله إلا الله
عدد ما كان
و عدد ما يكون
و عدد الحركات و السكون

**jordan1call**

_________________

سبحان من قـسّـم للعشاق بالحب كوكبه

وإحتباني بقلب عاشـــقٍِ كأنه طلب

وأنار بالحب و للحب كوكبنا ولو

عشقنا لأمــــــطرتنا عشقاً بلا سبب

وفي حجاب الغيب إني أعذرها

فمثلها لا يسأل– لحبها – ولا تغب

وحتما الوعد بأن الله يجمعنا
غريبيـــــن دنيا فلا لومٌٌ ولا عتب
-----------------------
انا من قوم ثقال الروس ماهم خفايا
الله خلقهــــــــم فوق الاسياد سادات

نص التوقيع منقول بتصرف

**SuHaD**

كاريكاتير ظريف جدا
اهلا بعودتك جوردان بعد هالغيبة

_________________
لا إله إلا الله
عدد ما كان
و عدد ما يكون
و عدد الحركات و السكون

**jordan1call**

كان إنتظارك وغيابي
بيعدي مع الايام
لكن اللي جرح قلبي
شو رميتيني سهام
الجرح ... في القلب غاير
والدمع ... مثل النهر ساير
والعمر كأنه وهم
وبعثرته ألأيام

JORDAN1CALL
STILL IN LOVE

_________________

سبحان من قـسّـم للعشاق بالحب كوكبه

وإحتباني بقلب عاشـــقٍِ كأنه طلب

وأنار بالحب و للحب كوكبنا ولو

عشقنا لأمــــــطرتنا عشقاً بلا سبب

وفي حجاب الغيب إني أعذرها

فمثلها لا يسأل– لحبها – ولا تغب

وحتما الوعد بأن الله يجمعنا
غريبيـــــن دنيا فلا لومٌٌ ولا عتب
-----------------------
انا من قوم ثقال الروس ماهم خفايا
الله خلقهــــــــم فوق الاسياد سادات

نص التوقيع منقول بتصرف

**hanan**

جوردان مرورك اسعدني
ومثل ما قالت سهاد انت فيين؟؟؟؟؟؟

_________________

زائر

بحب اسمع اللهجة الاردنية عشان كدة مريت هنا
ولقيت مفيش اى فرق بين بنات الاردن وبنات مصر
يمكن فى مصرالمسألة زايدة شوية لكن فى نفس الاتجاه
المهم انت حنان انت فين من هذه المزايا ؟
طبعافاهم انك معترضة عليها ، ولكن اصدقينى القول :
الآن مافيش فى شنطتك شكولاتة ؟؟؟

**hanan**

لازم يكون معي يا علكه يا دروبس عنعنع

اما الشوكولاته بتكون معي بس بموسم الاعياد

شكرا يا شاطبي لمرورك العطر

_________________

**SuHaD**

إلى الشاطبي
الفرق بين اللهجات ما ببين بالكتابة
بس بالحكي أكيد رح تميز الفرق بين اللهجة المصرية و اللهجة الأردنية
و بالنهاية كلنا أخوان و بمشي بعروقنا دم واحد
و اهلا و سهلا فيك بين أهلك بالأردن

_________________
لا إله إلا الله
عدد ما كان
و عدد ما يكون
و عدد الحركات و السكون

زائر

sHad صباح الياسمين
ليش ماببين بالكتابة واناحاسه فى كل حرف
شكرا سهاد

**أردنية** · مشرفه عدد الرسائل: 797 تاريخ التسجيل: 04/04/2008

مصري اردني شامي عراقي فلسطيني كلنا عرب وكلنا اخوة

واهلا بكل من انضم الينا

_________________
هُوَ : لَمْ يَدْرِ كمْ أهزلني [الجوى] و أنني لا أُطِيقُ [النوى] و آهٍ من صُبْحٍ دونَهُ كم من وجعٍ [حوى]!!

jamal feriani · عدد الرسائل: 33 العمر: 31 تاريخ التسجيل: 08/02/2010

اللهجة الاردنية (موش نرمال) باللهجة تونسية اي حلوة كثير
اكيد فهمت الموضوع العام وهو تفاهة بعض البنات وليس في الاردن فقط بل في تونس و اكيد اكثر من الاردن .
و لكن هناك جمل مثل
.الشاطرة اللي بدها تقهر صاحباتها...بترن عل 1234(رقم مجاني لشركة الموبايل في الأردن) وبتنزل عرط و تخويث
.كلهم ما بدخنوا ....[u]بس بابا سمحلهم يأرجلوا عادي

ما مفهومة[/u]

**hanan**

اخي جمال
عرط وتخويت يعني كذب
بأرجلوا يعني بيدخنوا أرجيله او شيشه
شكرا لمرورك

_________________

**helien**

ضحكتيني حنان الله يسعدك عنجد دمك خفيف

**hanan**

شكرا ام جوتيار لمرورك على الموضوع
وتعليقك المهضوم

_________________

سفيرة الحب

ليست المزايا تلك ما نراها خارجا ولكن المزايا بداخل قلوبنا لا يعرفه اي احد فمن الصعب الحكم على الاخرين من تلك المفارقات التي لاتعني شيئا وخاصة انها خارجية[center]

**hanan**

مرورك اسعدني
تعليقك عقلاني جدا

_________________

**عاشقة الاردن**

كتير حلو يسلمو يا Very Happy

hanan

**عبد68**

يسلمو حنان كلامك مزبوط 100%

_________________
اجمل لحظات التحدي ان تبتسم عندما ينتظر منك الجميع ان تبكي

**hanan**

عاشقة الاردن كتب:

كتير حلو يسلمو يا Very Happy

hanan

يحللي ايامك يا عاشقة الاردن
شكرا لمرورك

_________________

**hanan**

عبد68 كتب:

يسلمو حنان كلامك مزبوط 100%

شكرا لمرورك عبد68
بس هي مزحه

_________________

**قمر سوريا**

ههههههههههههههههههههههه بجد ضحكتيني

والله على سلامتكم

_________________

انا سوري دم واحساس .. رافع راسي بين الناس

**شعاع**

هعععععععع

قصدك مزايا بنات العرب كلهم

مشكورة حنان

_________________

كتبتُ والحبرُ من نهر الفرات جرى
شعراً يُترجِمُ مجداً غاصَ في القِـدَمِ
آمــنـتُ بـــالله ربـاً لا شـــريـكَ لَـه
وكيف يشــرِكُ مَن يرنو إلى القِمَمِ ؟

إن أقبح الاستبداد
استبداد الجهل على العلم....واستبداد الجسد على العقل

**قمر سوريا**

شعاع كتب:

هعععععععع

قصدك مزايا بنات العرب كلهم

مشكورة حنان

يخزي العين من شباااااااااابنا يعني

_________________

انا سوري دم واحساس .. رافع راسي بين الناس

**شعاع**

يخزي العين من شباااااااااابنا يعني

طيب ما فيي قلك انك غلطانة اكيد في خلل بالشباب كمان

للاسف فساد و مياعة شبه عامة

احترامي

_________________

كتبتُ والحبرُ من نهر الفرات جرى
شعراً يُترجِمُ مجداً غاصَ في القِـدَمِ
آمــنـتُ بـــالله ربـاً لا شـــريـكَ لَـه
وكيف يشــرِكُ مَن يرنو إلى القِمَمِ ؟

إن أقبح الاستبداد
استبداد الجهل على العلم....واستبداد الجسد على العقل

**hanan**

قمر سوريا كتب:

ههههههههههههههههههههههه بجد ضحكتيني

والله على سلامتكم

الله يسلمك يا رب
المهم انك تظللي مبسوطه دايما
ووجودك كمان بيبسطنا

_________________

**hanan**

شعاع كتب:

هعععععععع

قصدك مزايا بنات العرب كلهم

مشكورة حنان

شكرا شعاع لمرورك
بس هاي مزح مثل ما كتبت ل عبد 68
يعني اكيد فيه بنات مربيات صح وكمان الشباب ما بنقدر نعمم
نورت الموضوع بوجودك

_________________